नयाँ दिल्ली भारतको चर्चित इण्डियन प्रिमियर लिग (आईपीएल) छोटो समयमा सम्पन्न गर्ने गरी तयारी सुरु भएको छ । कोरोना भाइरसको महामारीका कारण स्थगित भएको आईपीएलको आयोजना बारे तयारी सुरु भएको हो ।भारतीय क्रिकेट बोर्ड (बीसीसीआई) कम समयमा धेरै खेल खेलाउदै प्रतियोगिता सम्पन्न गर्ने योजनामा छ । भारतीय सञ्चार माध्यमका अनुसार आईपीएलको कोराना महामारीका बीच पनि यो संस्करण कसरी गर्ने आयोजना गर्ने भन्ने विषयमा बीसीसीआई नियमित छलफलमा छ ।
बोर्डका एक अधिकारीका अनुसार, खेल कहिले सुरू हुन्छ अझै भन्न सक्ने अबस्था छैन । बीसीसीआई कोरोनाको कारण रोकिएका क्रिकेट सिरिजमा सहभागिताका लागि दुई टोली बनाउने योजनामा छ ।एउटाले टेष्ट श्रृंखला र अर्कोले छोटो फर्म्याटका श्रृङखला खेल्ने बताइएको छ । कोरोनाका कारण रोकिएका खेल कसरी सञ्चालन गर्ने भनेर केही दिन अघि बीसीसीआईले अनलाईन बैठक गरेको थियो । बैठकमा अब २ टोली निर्माण गरेर अघिबढ्नुपर्ने माग उठेको थियो ।दुई टोली मध्धे एकले टेष्ट च्याम्पियनशीप र अर्कोले घरेलु क्रिकेटमा सहभागिता जनाउने योजना बनाउन बैठकमा धेरैले प्रस्ताव गरेका थिए ।
